EARLY BIRD CATCHES THE WORM

Yan ang isang turo ng aking mga magulang na hindi ko malilimutan although hindi ko pa gaanong naintindehan noon dahil nga bata pa ako noon ,,,estudyante... at nagkaroon ng job pero shifting naman kaya hindi applicable pa ang laging gumising ng maaga.
Dumating ang panahon na di ko inaasahan na kailangan kong magresign to take care of my two babies -One & a half years old and one month infant , Hindi kaya ng powers ko na ipaalaga sa iba ang mga angels na ito.

Para mabuhay, nagsari-sari store ako sa may garahe ng bahay namin {wala naman kaming sasakyan}. habang nagti-tinda, nagaalaga ng bata. pag tulog ang bata. nagtitinda, naglalaba, nagluluto. I have only one jumbo automatic washing machine. Landline pldt telephone kasi lahat ng paninda ko itenatawag ko lang. Kailangan ko lang maging malakas determinado at planohin nang mabuti kung ano ang dapat gawin at syempre GUMISING NG MAAGA. Sayang kasi ang pambayad sa katulong- ibayad na lang sa educational plan {Phil_AM para hindi maloko}


Ok naman ang takbo ng store ko kaya lang marami akong pinagdaanan gaya nang....Buksan ko ng maaga ang tindahan para Maaga Pa lang ay papasok na ang pera {sabi naman ang mga
Chinese} Kadalasan ganito ang nangyayari. Pag maaga akon nagbubukas ng tindahan.
Kapitbahay# 1. "Belen pautang muna ng Isang kilong asukal at 50gms na nescafe at 3 itlog na rin tutal babayaran ko naman sa ng sweldo ko."

Kapitbahay#2 Dumating ang isang bata. " Aling Belen pautang daw ng tocino ibibigay daw ni mama pagkaligo ni papa.{ Emplyado sa Makati at nakakotse nga pag pumapasok}

Kapitbahay @3 Dumating naman ang isang matandang pensionada. Pautang dyan ng 3-in one na kape at milo para sa apo ko.

Kapitbahay #4 Lumapit naman ang isang maladonyang mommy. Akin nga muna yong 3 noodles mo dyan ibibigay ko ang bayad pagdating ang padala ng asawa ko. {nasa saudi asawa}

Kapitbahay # 5 Nagmamadali ang isang mommy na may hawak hawak na malutong na 1ooo pesos. " Belen pabarya naman pantaxi ng anak ko kasi papasok na andyan na ang taxi.{anak nya nag-aaral ng medicine.

Kapitbahay#6 Tumatakbo palapit ang isang katulong na ang amo ay madalas bumili ng coke at sinasabi mamaya ang bayad hindi daw dala ang walit. " Aling Belen paload naman ng Smart 115pesos kasi tumawag yong nanay ko sa Masbati , may sakit daw sya. at nangangailangan daw siya ng pera Tatawagan ko sya para kunin na lang pera sa LBc . " Sabay dukot ng pera sa bulsa at binayaran ako ng cash at dumukot ulit pambayad ng shampoo....

Hay.. salamat sa wakas may benta na ako . may pera ng pumasok sa tindahan ko. Mabuti pa ang isang kasambahay na sumusweldo ng dalawang libo lang kada bwan, marunong bumili.